अभिनय म पूरा न्याय करथे ललित उपाध्याय… तीन जनवरी के ससुराल म नजर आही

अवैय्या तीन जनवरी के कामना फिल्म्स के बहुप्रतीक्षित छत्तीसगढ़ी फिलिम ससुराल ह रिलीज होवत हे ,एमा वरिष्ठ कलाकार ललित उपाध्याय ह अभिनय करत नजर आही , ललित के बारे में कहे जाथे कि वो ह अपन अभिनय के प्रति पूरा न्याय करथे , छत्तीसगढ़ी अऊ हिंदी के संगे संग भोजपुरी सिनेमा म घलोक अभिनय करे हे ललित ह.

मूलतः दुर्ग के रहैय्या ललित उपाध्याय अभी तक दर्जनों छत्तीसगढ़ी फिलिम कर चुके हे अऊ ये सिलसिला लगातार जारी हे ,अभी तीन जनवरी के लालित उपाध्याय के फिलिम ससुराल आवत हे जेखर गीत मन टिक टाक एप्प म धूम मचात हे ,काबर कि लोगन मन एखर गीत के प्रतियोगिता म शामिल होवत हे ,जेखर गीत मन ल सबले जादा लाइक मिलही ओला करन खान के संग ससुराल टू फिलिम म अभिनय करे के मौका मिलही .