chhattisgarh : श्रम मंत्री शिवकुमार डहरिया ह उमरिया अउ देवदा म करीन विकास काम के भूमिपूजन
जय जोहार…. (chhattisgarh ) नगरीय प्रसासन अउ श्रम मंत्री डॉ शिवकुमार डहरिया ह आरंग विकासखंड के ग्राम पंचायत उमरिया अउ देवदा-सोनपैरी म रद्दा निर्माण, आंगनबाड़ी भवन निर्माण, नाली, सामुदायिक भवन, सीसी रोड़, शौचालय समेत आन विकास काम के भूमिपूजन करीन।
ए अवसर म वो हा किहीन कि प्रदेस के सरकार ह किसान, गाँव, गरीब अउ मजदूर मन के सरकार है। मुख्यमंत्री भूपेश बघेल के नेतृत्व म किसान मन के का धान ल अधिक समर्थन मूल्य म खरीदे के संग राजीव गाँधी किसान न्याय योजना ले लाभान्वित करत हे। वो हा किहीन कि किसान समृद्ध होही त प्रदेस खुसहाल अउ समृद्ध बनहि।
कारीकरम के दउरान मंत्री डॉ. डहरिया ह आदर्स ग्राम उमरिया म लोक निर्माण अंतर्गत 2 करोड़ 4 लाख रुपिया के लागत ले बनइया रद्दा के भूमिपूजन करीन। (chhattisgarh )आदर्स ग्राम देवदा सोनपैरी म वो हा पौने दो करोड़ रुपिया के काम के भूमिपूजन करीन।
(chhattisgarh ) ए अवसर म जनपद अध्यक्ष खिलेश्वर देवांगन, नगर पंचायत मंदिर हसौद अध्यक्ष ओमप्रकाश यादव, जिला पंचायत सदस्य माखन कुर्रे, उपाध्यक्ष श्रीमती हेमलता साहू, जनपद सदस्य हृदय लाल जांगड़े, देवराज जांगड़े, सरपंच राजकुमार हिरवानी, श्रीमती आशा यशवंत कोशले, श्रीमती टिकेश्वरी साहू, कोमल साहू उपस्थित रिहीन ।
