Chhattisgarh: अलग-अलग जिला के 9 विकासखंड म करे जाही लेबर रिसोर्स सेंटर के स्थापना
जय जोहार…. (Chhattisgarh) छत्तीसगढ़ राज्य योजना आयोग के उपाध्यक्ष अजय सिंह के अध्यक्षता म बइठक के आयोजन करे गे हे। एमा कोविड 19 अऊ लाकडाउन सती छत्तीसगढ़ के प्रवासी कामगार ल सामाजिक सुरक्षा प्रदान करइया योजना के अध्ययन करे के संबंध में चर्चा करे गे हे।
राज्य योजना आयोग म यूनाईटेड नेशंस डेवलपमेंट प्रोग्राम के सहयोग ले कोविड 19 अऊ लाकडाउन सती प्रवासी मजदूर मन के बीच समस्या के समाधान बर एक विशेष प्रकोष्ठ के स्थापना करे गे हे। (Chhattisgarh) ये प्रकोष्ठ ह कामगार मन ल सामाजिक सुरक्षा प्रदान करइया योजना के अध्ययन करही। ओ मन ल जादा सुदृढ़ बनाय बर अपन अनुशंसा प्रदान करही। यूएनडीपी के वित्तीय अऊ तकनीय सहयोग ले ए प्रकोष्ठ म 6 विषय विशेषज्ञ मन के नियुक्ति घलो करे गे हे।
ए योजाना के तहत पायलट के रूप म राज्य के बलरामपुर, जशपुर, कोरबा, बिलासपुर, जांजगीर-चांपा, मुंगेली, राजनांदगांव, कांकेर अऊ बस्तर जिला के 9 विकासखण्ड म लेबर रिसोर्स सेन्टर के स्थापना करे जाही। (Chhattisgarh) शुरुआती तौर म ए केंद्र म स्थापित अऊ संचालिक करे बर यूएनडीपी ह समर्थन संस्था के नेतृ्तव म एनजीओ के एक समूह के चयन करे हे। ए सेन्टर के माध्यम ले श्रमिक मन के अलग-अलग विभाग के सामाजिक सुरक्षा ले संबंधित कार्यक्रम के जानकारी दे जाही। ये सेन्टर ह कामगार मन के पंजीयन के संग कौशल विकास म घलो सहयोग प्रदान करही।
