आई लव यू अउ आई लव यू टू के निर्माता लखी सुंदरानी के जन्मदिन म पहुंचिन जाकिर हुसैन

दीपक बावनकर@रायपुर आई लव यू आई अउ आई लव यू टू के निर्माता लखी सुंदरानी ह अपन जन्मदिन बहुत सादगी ले मनाइस। अभी ऊंखर प्रोडक्शन के फिल्म आई लव यू टू ह धूम मचावत हे। जे दिन लखी सुंदरानी के जन्मदिन रिहिस वो दिन बड़ अकन कलाकार मन पहुंचीस इही कड़ी म प्रसिद्ध पार्श्व गायक जाकिर हुसैन घलोक आइस।

दिव्यांग जाकिर हुसैन ल स्टूडियो म देख के लखी सुंदरानी ह भावुक होगे,अउ आये बर ओला धन्यवाद दिस। ये मउका म लखी सुंदरानी केक काट के सबके मुंहु मीठा करीस अउ फिलिम आई लव यू टू के सफलता बर सबके आभार व्यक्त करिस। स्टूडियो म पूर्व विधायक श्रीचंद सुंदरानी, मोहन सुंदरानी, गोल्डन साहू, शेख अलीम अउ गायक जाकिर हुसैन उपस्थित रिहींन।