रायपुर। वाणिज्य अउ उद्योग मंत्री अमर अग्रवाल ह माना विमानतल मार्ग स्थित एक निजी हॉटल म छत्तीसगढ़ म हवाई कार्गो के संभावना उपर आधारित एक कार्यशाला के शुभारंभ करिन। श्री अग्रवाल ह कहिन कि चारों कोति ले 7 राज्य मन ले घिरे होए के सेती छत्तीसगढ़ म हवाई कार्गों के विकास के बिकट संभावना मवजूद हे। उमन बताइन के राज्य म फिलहाल 11 टन एयर कार्गो के हरेक दिन ढुलाई होवत हे, जबकि इहां 50 टन हर दिन के क्षमता हवय। छत्तीसगढ़ पूरा देश म पहली राज्य हे जऊन हर परिवहन संबंधी गतिविधि मन ल बढ़ावा दे बर अपन खुद के लाजिस्टिक्स पार्कस पालिसी बनाए हे। कार्यशाला के आयोजन कन्फेडरेशन ऑफ इण्डियन इण्डस्ट्रीज (सीआईआई) कोति ले उद्योग विभाग के सहयोगी संस्था सीएसआईडीसी के सहयोग ले करे गिस। सीएसआईडीसी के अध्यक्ष छगनलाल मूंदड़ा अऊ उद्योग विभाग के सचिव कमलप्रीत सिंह घलोक ए अवसर म उपस्थित रहिन।
