Chhattisgarh: नेता प्रतिपक्ष धरमलाल कौशिक ह राज्यपाल अनुसुईया उइके ल लिखे हे पत्र, करिन ये मांग
जय जोहार…. (chhattisgarh) नेता प्रतिपक्ष धरमलाल कौशिक ह राज्यपाल अनुसुईया उइके ल पत्र लिखे हे। ए पत्र म नेता प्रतिपक्ष कौशिक ह स्वास्थ्य विभाग म पूर्णकालिक औषधि निरीक्षक के नियुक्ति के मांग करे हे।
(chhattisgarh) नेता प्रतिपक्ष कौशिक ह कहिन कि प्रदेश म स्वास्थ्य विभाग म, खाद्य अऊ औषधि प्रशासन म अभिहित अधिकारी पद म सहायक खाद्य अऊ औषधि नियंत्रक ल अतिरिक्त प्रभार दे दे गे हे, जेन केन्द्र सरकार के नियम के विरुद्ध हे।
केन्द्र सरकार ह स्पष्ट निर्देश दे हे कि 4 अगस्त 2019 तक पूर्णकालिक अधिकारी मन के नियुक्ति ह जिला स्तर म हो। एखर बाद घलो नियम के अवहेलना कर नियम विरुद्ध अधिकारी मन ल अतिरिक्त प्रभार दे गिस।
(chhattisgarh) नेता प्रतिपक्ष कौशिक ह कहिन कि पूर्णकालिक अधिकारी मन के नियुक्ति नई होय ले मानक के पालन नई हो पात हे। एखर सती अमानक पदार्थ ल ले के जेन आवश्यक कार्रवाई करे जाना चाही, ओ नई करे जात हे। नेता प्रतिपक्ष कौशिक ह ए पूरा मामला ल संज्ञान म लेवत हुये आवश्यक कार्रवाई पर निर्देशित करे के अपील करे हे।
