नेता नई बांट सकही अब राशन के पैकेट, सरकार ह जारी करिस आदेश

जय जोहार राजनांदगांव…. जिला भर म कोरोना संक्रमण के चलत लॉकडाउन कर दे गे हे. जेखर चलत बाहर ले आए शरणार्थी, असहाय अऊ अईसे गरीब मन जेन रोज भीख मांग के अपन जीवन यापन करत रहिस। ओखर मन बर भोजन उपलब्ध कराए बर सरकार ह सूखा राशन अऊ पका भोजन दे के व्यवस्था करे रहिस। एखर चलत राजनांदगांव ह घलो एक फैसला ले रहिस। अईसे जरूरतमंद मन ल पार्षद अऊ महापौर निधि ले भोजन कराए जाही।

पार्षद अऊ जनप्रतिनिधि मन के माध्यम ले एखर वितरण करे जाही। लेकिन शासन के तरफ ले आदेश जारी करे गे हे, जेमा स्पष्ट लिखे हे कि जनप्रतिनिधि के तरफ ले यदि भोजन बांटा जात हे। कहीं न कहीं फिजिकल डिस्टेंसिंग के सिद्धांत के पालन नई हो पाही। पूर्ण लॉकडाउन के पालन कराए म कठिनाई उत्पन्न होही। एखर चलत सासन ह आदेश जारी करे हे कि सबो जनप्रतिनिधि, महापौर, अध्यक्ष, पार्षद, समाजसेवी संस्था अऊ अन्य दानदाता ह राशन सामग्री ल जिला प्रशासन ल सौपही अऊ जिला प्रशासन के तरफ ले उक्त सामग्री के वितरण करे जाही।