केन्द्र के नीति के खिलाफ वामपंथी दल ह करिन विरोध प्रदर्शन

जय जोहार…. देश म कोरोना के बाढ़त मामले अऊ अर्थव्यवस्था ले जुड़े मुद्दा ल ले के माकपा अऊ आन वामपंथी दल ह केन्द्र के मोदी सरकार के खिलाफ देशव्यापी विरोध-प्रदर्शन करत हे। राजधानी म घलो ए पार्टी ले जुड़े कार्यकर्ता ह घर के सामने तख्ती ले के प्रदर्शन करत हे।
धर्मराज महापात्रा ह बताइस कि पूरा देश म भारतीय कम्युनिस्ट पार्टी अऊ समस्त वामपंथी पार्टी ह सड़क म हे। 70 दिन के तालाबंदी के अन्दर म जेन माहौल पैदा होय हे।

प्रवासी मजदूर मन के मामले म जेन तरीका ले ओखर संवेदनशीलता है, लोगन मन ह सड़क म मरत हे, लेकिन सरकार ह मौन हे।
महापात्रा ह कहिन कि सुप्रीम कोर्ट के निर्देश के बावजूद आज घलो बड़का संख्या म देश के अलग-अलग प्रवासी मजदूर ह फंसे हुए हे,

लेकिन ओ मन ल नि-शुल्क लाय बर जेन पहल होना चाही, केन्द्र सरकार के ओर ले वो कहीं घलो दिखाई नई पड़त हे। ए लाकडाउन के सती 14 करोड़ ले जियादा लोगन मन के रोजगार ह खत्म हो गे हे।