जय जोहार…. कर्नाटक (Karnataka) के एकठन ग्राम म अजीब वाकया होय हे। इहां एक कुकुर ह लगभग 7 घंटा तक टॉयलेट म फंसे रिहिन। ओखर संग उहीं टॉयलेट म एक तेंदुआ घलो बंद रिहिन। इहां ये दुनो ह बगैर एक-दूसर ल नुकसान पहुंचाय शांत बइठे रिहिन। जइसे कोनो बचाव के इंतजार करत हों।
सोशल मीडिया म एकठन फोटो ह वायरल होवत हे। ए फोटो ल भारतीय वन सेवा के अधिकारी ह शेयर करे हे। ये फोटो ल कर्नाटक (Karnataka) के बताए जावत हे। वायरल होवत फोटो म दिखत हे कि एक आवारा कुकुर ह एकठन टॉयलेट म फस गिस। ये फोटो के संग ओखर संग एक तेंदुआ के फोटो घलो दिखत हे। ये घटना ह दक्षिण कर्नाटक के कड़ाबा जिला म बिलिनेले ग्राम म घटे हे।
बतावत जावत हे कि (Karnataka) तेंदुआ ह कुकुर के पीछा करत हुये एक टॉयलेट म जा पहुंचीस। जब घर के महिला ह बिहनिया बाथरूम ल खोलिस त, ओ हा एला देख के दरवाजा ल बंद करिस अऊ ए बात के सूचना पुलिस ल दिस। तेंदुआ ल पकड़े के काफी प्रयास करे गिस, हालांकि दू घंटा बाद तेंदुआ ह भागे म कामयाब हो गे। उहचे कुकुर ल सुरक्षित बचा ले गे हे।
