chhattisgarh : ग्रामीण आजीविका केंद्र के तरह सहरी आजीविका केंद्र घलो बनही रिसाली म -भूपेश बघेल
जय जोहार । (chhattisgarh) रिसाली नगर निगम म पदभार ग्रहण समारोह के अवसर म पहुंचीन मुख्यमंत्री भूपेश बघेल ह इहां आजीविका के अवसर बढ़ाय वृहत आजीविका केंद्र के निर्माण अउ आवश्यक अधोसंरचना अउ सौंदर्यीकरण के दिसा म काम करे के आवश्यकता जताईन हे। वो हा किहीन कि निगम ए दिसा म योजना बनायें, सासन डहार ले हर संभव मदद रिसाली नगर निगम ल करे जाही।
वो हा किहीन कि नवनिर्वाचित महापौर, सभापति अउ पार्सद मन बर बड़ तेजी ले विकास करना बड़का चुनौती होही। एमा ले अधिकांस पार्सद पहली घांव आय हे। मोला उम्मीद हे कि ये रिसाली के विकास ल नवा ऊंचाई प्रदान करही, वो हा किहीन की कुछु अनुभवी पार्सद घलो आय हे। ओखर अनुभव के लाभ निगम ल मिलही ।
(chhattisgarh) ए मउका म विधायक देवेंद्र यादव, जिला पंचायत श्रीमती शालिनी देवेंद्र यादव, जिला मंडी बोर्ड के अध्यक्ष अश्विनी साहू, जिला सहकारी बैंक दुर्ग के अध्यक्ष जवाहर वर्मा, कलेक्टर दुर्ग डॉ. सर्वेश्वर नरेंद्र भुरे, एसएसपी बद्री नारायण मीणा अउ आन अधिकारी उपस्थित रिहीन ।
