काली ले छत्तीसगढ़ म खुलही शराब के दुकान, राज्य सरकार ह जारी करिन आदेश

जय जोहार…. सरकार ह राज्य म शराब दुकान ल खोले के आदेश जारी कर दे हे। सरकारी आदेश म केहे गे हे कि लॉकडाउन म दुकान खोले बर केंद्र सरकार के ओर ले गाइड लाइन जारी करे गिस। केंद्र सरकार के निर्देश के मुताबिक राज्य म शराब के दुकान मन ल खोले के आदेश दे गे हे।

सरकारी आदेश म बताय गे हे कि शराब के दुकान चार मई ले सुबह आठ बजे ले शाम 7 बजे तक खुलही। दुकान ल खोले के समय कलेक्टर अपन जिला के स्थिति के अनुसार घलो तय कर सकत हे।

आप मन ल बता देन कि 23 मार्च ले छत्तीसगढ़ म शराब के दुकान ह बंद हे। लॉकडाउन होय के बाद दुकान बंद रखे के अवधि ह सरलघा बढ़त रहिस।