फर्जी दस्तावेज से लिस हे बैंक ले डेढ़ करोड़ के लोन, भाई ह भाई के खिलाफ लिखइन हे रिपोर्ट

रायपुर. राजधानी म फर्जी दस्तावेज के माध्यम ले फर्म के नाम म पंजाब नेशनल बैंक ले डेढ़ करोड़ रूपिया लोन ले के मामला सामने आय हे. ये मामला म पीड़ित गजराज पगारिया ह अपन भाई सुशील चंद पगारिया के खिलाफ सिविल लाइन पुलिस थाना म एफआईआर दर्ज कराय हे .

बता दें कि विवेकानंद नगर के रहइया गजराज पगारिया ह अपन छोटे भाई सुनील पगारिया के खिलाफ थाना म शिकायत दर्ज करवाय हे कि साल 2013 म छत्तीसगढ़ पॉवर प्रोजेक्ट नामक संस्था में ओखर पत्नी दुर्गा देवी पगारिया अउ छोटे भाई सुशील चंद पगारिया ह संचालक रहीस.

इही दउरान वो संस्था के आम मुख्तयारनामा अपन पत्नी दुर्गा देवी पगारिया ल बनईस. जेखर बाद गजराज के छोटे भाई सुशील चंद पगारिया ह फर्म के नाम ले पंजाब नेशनल बैंक म लोन ले बर फर्जी दस्तावेज तैयार करवइस अउ दुर्गा देवी के फर्जी हस्ताक्षर कर के डेढ़ करोड़ रूपिया बैंक ले निकाल लिस. जब गजराज के पास बैंक ले नोटिस अइसे हे तब ओला ये बारे म जानकारी होइस. तांहा ले ऐखर शिकायत कोर्ट में करिन हे .कोर्ट के आदेश के बाद सिविल लाइन पुलिस ह आरोपी सुशील चंद पगारिया अउ अन्य के खिलाफ धारा 406, 418, 420,467, 468, 471, 120बी के तहत अपराध दर्ज कर जांच में ले हे.