Raipur: आज ले सुरु हो गे 12 लोकल सवारी ट्रेन के परिचालन, पढ़व पूरा खबर

जय जोहार…. (Raipur) करीब 11 महिना बाद आज ले 12 लोकल सवारी ट्रेन के परिचालन ह सुरू हो गे हे। पहिली ट्रेन ह दुर्ग बर रवाना होय हे, जेन ट्रेन के परिचालन सुरू करे गे हे, ओमा बिलासपुर, रायपुर, दुर्ग अऊ डोंगरगढ़ के मध्य चलइया लोकल ट्रेन सामिल हे।

बता देन कि (Raipur) ये ट्रेन ह स्पेशल बन के चलही। कोरोना गाइडलाइन के पालन करत हुये यात्री मन ल यात्रा करे के अनुमति होही। एखर लाभ लोकल सवारी ट्रेन के परिचालन सुरू होय ले कम दूरी के यात्रा करइया रेल यात्री मन ल होही।

बिलासपुर अऊ रायपुर (Raipur) रूट म लोकल सवारी ट्रेन के परिचालन सुरू होय के बाद अब दूसर रूट म घलो लोकल सवारी गाड़ी के फेर सुरू होय के संभावना बाढ़ गे हे। रेलवे ह 19 अऊ लोकल सवारी ट्रेन ल सुरू करे के प्रस्ताव ल रेलवे बोर्ड ल भेजे हे।