जय जोहार रायपुर…. कोरोना वायरस के कहर ल देखत हुए छत्तीसगढ़ सरकार ह सबो आंगनबाड़ी अऊ मिनी आंगनबाड़ी केंद्र मन ल 31 मार्च तक तत्काल प्रभाव ले बंद कर दे हे। ए संबंध म सबा कलेक्टर मन ल आदेश जारी कर दे गे हे।
महिला अऊ बाल विकास विभाग के ओर ले सचिव सिद्धार्थ कोमल परदेशी ह ए संबंध म आज सबो जिला कलेक्टर मन के संग महिला अऊ बाल विकास संचालनालय के आयुक्त ल आदेश जारी करे हे। एमा आंगनबाड़ी अऊ मिनी आंगनबाड़ी ल तत्काल प्रभाव ले बंद करे के संग तिहार अऊ पोषण अभियान के तहत पोषण पखवाड़ा के कार्यक्रम ल आगामी आदेश तक स्थगित करे के आदेश दे हे। ए अवधि म हितग्राही मन ल रेडी टू ईट के वितरण जारी रही।
No Comment! Be the first one.