Raipur म लॉकडाउन के शर्त म हो गे बदलाव, अब ए लोगन मन ल घलो मिलही पेट्रोल, पढो पूरा खबर

जय जोहार…. रायपुर (Raipur) म आज रात 9 बजे ले 28 सितंबर ल लॉकडाउन होवइया हे। ए संबंध म कलेक्टर ह सनिच्चर के दिशा-निर्देश ल जारी कर दे रिहिन। लॉकडाउन के नियम म सोमवार के कुछु बदलाव करे गे हे।

पूर्व शर्त के अनुसार लॉकडाउन के दौरान (Raipur) पेट्रोल पंप ले सिरिफ शासकीय वाहन अऊ एम्बुलेंस ल फ्यूल दे के अनुमति रिहिन, लेकिन अब ओमा छूट के दायरा ल बढ़ा दे गे हे। पेट्रोल पंप संचालक मन ल पहिले सिरिफ शासकीय वाहन, शासकीय कार्य म प्रयुक्त वाहन, अस्पताल के वाहन अऊ एम्बुलेंस ल ही फ्यूल दे के अनुमति रिहिन,

पर अब अंतर्राज्यीय बस स्टैंड ले संचालित आटो, टैक्सी, विधि मान्य ई पास धारित वाहन, एडमिट कार्ड या कॉल लेटर दिखाय म परीक्षार्थी या ओखर अभिभावक, परिचय पत्र दिखाय म मीडियाकर्मी, प्रेस के वाहन, न्यूज पेपर हॉकर, दूध के गाड़ी अउ अंतर्राज्यीय बस सेवा ले ईंधन दे जाही।

दूध बेचे बर दुकान नई खोले जाही। दुकान के सामने स्टाल लगा के दूध बेचे के अनुमति होही। (Raipur) लॉकडाउन म सबो केंद्रीय, शासकीय, सार्वजनिक अऊ अर्धशासकीय-निजी कार्यालय ह बन्द रही।