Surajpur District म 5 मई तक बाढ़ीस लाकडाउन, कलेक्टर ह जारी करिन नवा आदेश

जय जोहार…. (Surajpur District) सूरजपुर जिला म 5 मई तक लाकडाउन बाढ़ गे हे। ए संबंध म कलेक्टर रणबीर शर्मा ह नवा आदेश जारी कर दे हे।
जारी आदेश म लाकडाउन म थोड़कीन राहत दे गे हे।

(Surajpur District) जिला प्रशासन ह स्ट्रीट वेंडर के तरफ ले सब्जी, फल, किराना, समान बेचे के छूट दे हे। बता देन कि सूरजपुर जिला म एखर पहिले 26 अप्रैल तक लाकडाउन लगाए गे रिहिन। ये लाकडाउन के तीसर फेज हे, जेन 26 अप्रैल ले 5 मई तक रही।

कोरोना ले होवत मौत ल देखत हुये (Surajpur District) कलेक्टर रणबीर शर्मा ह ये फइसला ले हे। कोरोना ले अब तक 89 मनखे मन के मौत हो चुके हे। बता देन कि प्रदेश म कोरोना ह सरलघा बाढ़त जावत हे। बीते 24 घंटा म कोरोना के 17 हजार ले जादा नवा मामला मिले हे। उहचे 200 से जादा मरीज मन के मौत हो गे हे।