Bilaspur District म 24 मई तक बाढ़ीस लॉकडाउन, कलेक्टर ह जारी करिन आदेश

जय जोहार…. बिलासपुर जिला (Bilaspur District) म 24 मई तक लॉकडाउन ह बाढ़ गे हे। ए संबंध म कलेक्टर सारांश मित्तर ह आदेश जारी कर दे हे। एमा कहे गे हे कि 24 मई के रात 12 बजे तक पूरा जिला कन्टेनमेंट जोन रही।

(Bilaspur District) ए बार लाकडाउन म थोड़कीन राहत दे गे हे। मंडी अउ थोक-फुटकर दुकान ह बन्द रही, लेकिन गोडाउन, मंडी म लोडिंग अउ अनलोडिंग के इजाजत बिहनिया 4 बजे ले 10 बजे तक होही।

फल अउ सब्जी के होम डिलीवरी मंझनिया 2 बजे तक सिरिफ ठेला अउ अस्थायी दुकान के माध्यम ले होही। (Bilaspur District) गाड़ी म घलो समान ल बेचे जा सकही। अंडा, मटन, मछली के दुकान ल संझा 4 बजे तक खोले जा सकही। ए दौरान सुपर मार्केट, माल अउ बाजार ह नई खुलही।