जय जोहार…. (Raipur) कोरोना संक्रमण के बाढ़ते मामला के सेती राजधानी रायपुर म लाकडाउन ल 6 मई तक बढ़ा दे गे हे। ए संबंध म कलेक्टर डॉ एस भारतीदासन ह आदेश जारी कर दे हे।
जारी आदेश के अनुसार (Raipur) रायपुर जिला के अंतर्गत पूरा क्षेत्र ह 6 मई के बिहनिया 6 बजे तक कन्टेनमेंट जोन रही। ए दौरान जिला के पूरा सीमा ह सील रही। ए दौरान दुग्ध पार्लर, दुध वितरण अउ न्यूज पेपर हाकर मन के तरफ ले समाचार वितरण के बेरा बिहनिया 6 बजे ले 8 बजे तक अउ संझा 5 बजे ले 6.30 बजे तक होही। दुग्ध व्यवसाय बर कोनो पार्लर या दुकान ल नई खोले जाही।
(Raipur) सिरिफ दुकान अउ पार्लर के सामने उक्त बेरा म दुध बेचे के अनुमति होही। सबो प्रकार के मंडी, थोक, फुटकर अउ ग्रासरी के दुकान ह बंद रही, पर आवश्यक वस्तु अउ माल के व्यवस्था ल सुनिश्चित करे बर गोडाउन म लोडिंग-अनलोडिंग के अनुमति रात 11 बजे ले बिहनिया 4 बजे तक होही। फल, सब्जी, अंडा, पोल्ट्री, मटन, मछली अउ किराना सामग्री के होम डिलीवरी बिहनिया 6 बजे ले दोपहर 2 बजे तक छोटे वाहन के माध्यम ले करे जा सकही।
