Lockdown : गरियाबंद जिला म 13 अप्रैल ले लगही लाकडाउन, कलेक्टर ह जारी करिन आदेश

जय जोहार…. (Lockdown) कोरोना के बाढ़ते संक्रमण के सेती प्रदेश के कई जिला म लाकडाउन के घोसना हो गे हे। अब गरियाबंद जिला म घलो 13 अप्रैल बिहनिया 6 बजे ले 23 अप्रैल बिहनिया 6 बजे तक लाकडाउन लगाए जाहि। ए संबंध म कलेक्टर निलेश कुमार क्षीरसागर ह आदेश जारी कर दे हे।

जारी आदेश के मुताबिक पूरा जिला ल 13 अप्रैल बिहनिया 6 बजे ले 23 अप्रैल बिहनिया 6 बजे तक कंटेनमेंट जो घोसित करे गे हे। ए दौरान गरियाबंद जिला के सबो सीमा सील रही। ए अवधि म सिरिफ मेडिकल दुकान ल अपन तय बेरा म खोले के अनुमति होही। मेडिकल दुकान संचालक मन ह दवा के होम डिलीवरी ल प्राथमिकता देही।

(Lockdown) दूध पार्लर, दुग्ध वितरण अउ न्यूज हाकर मन ल समाचार पत्र वितरण ल बिहनिया 6 बजे ले 8 बजे तक अउ संझा 5 बजे ले 6.30 बजे तक कर सकही। दुग्ध व्यवसाय बर कोनो पार्लर अउ दुकान नई खोल जा सकही। सिरिफ दुकान अउ पार्लर के सामने केवल दुग्ध विक्रय के अनुमति होही।

पैट शाप अउ एक्वेरियम ल सिरिफ पशु के चारा दे बर बिहनिया 6 बजे ले बिहनिया 8 बजे तक अउ संझा 5 बजे ले 6.30 बजे तक अनुमति होही। जिला के अन्दर सबो साप्ताहिक बाजार अउ हाट बाजार बंद रही।

(Lockdown) एलपीजी गैस सिलेंडर के एजेंसी ह सिरिफ टेलीफोनिक या आनलाइन आर्डर लेही अउ ग्राहक ल सिलेंडर के घर पहुंचा सेवा उपलब्ध कराही। सबो धार्मिक, सांस्कृतिक, पर्यटन स्थल ह बन्द रही। उहचे जिला के अंतर्गत सबो शराब दुकान बन्द रही।