lockdown: जांजगीर-चांपा जिला म काली ले 30 जुलाई तक लॉकडाउन, कलेक्टर ह करिन घोसना

जय जोहार…. प्रदेश के जांजगीर-चांपा जिला म 24 जुलाई ले 30 जुलाई तक लॉकडाउन (lockdown) लगाय जाही। एखर घोसना ल कलेक्टर ह करे हे। जिला म शहरी क्षेत्र म लॉकडाउन रही।

लॉकडाउन (lockdown) लगाय जाय के मद्देनजर पुलिस ह शहर म फ्लैग मार्च निकालिस अउ व्यापारी मन ल लॉकडाउन के जानकारी दिस। प्लैगमार्च के दौरान बिना मास्क घूमइया कई लोगन मन के उपर चालानी कार्यवाही घलो करे गिस।

अधिकारी मन ह बताइस कि ए बार के लॉकडाउन (lockdown) के कड़ाई ले पालन कराये जाही। सबो नगरीय क्षेत्र ल जोनल सिस्टम म बांटे गे हे। लॉकडाउन के उल्लंघन करइया के खिलाफ सख्त कार्रवाई करे जाही।