raipur म 22 जुलाई ले लॉकडाउन, कलेक्टर ह जारी करिन आदेश

जय जोहार…. छत्तीसगढ़ म कोरोना के बाढ़ते संकट के बीच 21 जुलाई के बाद लॉकडाउन लगइया हे। ए संबंध म अलग-अलग जिला ले आदेश जारी होय ल सुरू हो गे हे।

रायपुर (raipur) म 22 जुलाई ले 28 जुलाई के रात 12 बजे तक लॉकडाउन रही। ए दौरान शहर क कर्फ्यू जईसे हालात रही। ऊहचे कांकेर म घलो 21 जुलाई के मध्य रात ले लॉकडाउन लगइया हे।

रायपुर म शहरी इलाका म लॉकडाउन रही। ऊहचे ग्रामीण इलाका ल एखर ले छूट रही। जिला प्रशासन ह रायपुर (raipur) अउ बिरगांव म एक संग लॉकडाउन के फइसला ले हे।

22 जुलाई ले 28 जुलाई के रात 12 बजे तक बर आदेश जारी करे गे हे। लॉकडाउन म जिला म सिरिफ अतिआवश्यक सेवा ल ही इजाजत दे जाही।

शराब दुकान, दुकान, दफ्तर अउ हाट बाजार म पूर्णत पाबंदी रही। ऊहचे बस, टैक्सी, ऑटो, बस, ई-रिक्शा सबो बन्द रही। सिरिफ बीमार अउ आन जरूरी काम बर वाहन के संचालन ल इजाजत दे जाही।

(raipur) एखर आलावा सबो धार्मिक, सांस्कृतिक अउ पर्यटन स्थल ल आम लोगन मन बर बन्द रखे जाही। लॉकडाउन म अति आवश्यक सेवा ल छूट दे जाही।

स्वास्थ्य, अग्निशमन, वाटर सप्लाई, बिजली अउ साफ-सफाई के व्यवस्था संचालित करइया दफ्तर ह खुले रही।

ऊहचे दवा दुकान, दूध अउ दूध ले बने सामान के दुकान, दवा उत्पादन इकाई, चश्मे की दुकान, मटन, मछली, अंडा, खाद्य आपूर्ति ले जुड़े वाहन के संगेसंग दूध सप्लाई अउ न्यूज पेपर बांटे बर बिहिनिया 6 बजे ले 10 बजे तक लॉकडाउन म छूट मिलही।