Lockdown: छत्तीसगढ़ के ए जिला म लगाए जाही पुरा लॉकडाउन, कलेक्टर ह जारी करिन आदेश

जय जोहार…. (Lockdown) कोरोना के बाढ़ते संक्रमण के सती मुंगेली जिला के नगरी निकाय क्षेत्र म एक सप्ताह के पुरा लॉकडाउन करे गे हे। ए लॉकडाउन ल 17 सितंबर ले लगाए जाही, जेन 23 सितंबर तक रही। ए संबंध म मंगलवार के कलेक्टर ह आदेश जारी कर दे हे।

(Lockdown) कलेक्टर के ए आदेश के बाद जिला के सबो सरकारी कार्यालय, अर्धशासकीय अउ अशासकीय कार्यालय ल तत्काल प्रभाव ले बंद कर दे जाही। हालांकि कर्मचारी मन ल मुख्यालय छोड़े के इजाजत नई होही।

उहचे नगरीय क्षेत्र म बस, टैक्सी आटो, ई रिक्शा ल घलो बंद कर दे जाही। सिरिफ आपात स्थिति म वाहन चलाए के अनुमति होही। (Lockdown) जिला के सबो दुकान, व्यावसायिक प्रतिष्ठान, फैक्टरी, गोदाम अऊ साप्ताहिक हाट ल घलो बंद कर दे जाही। हालांकि इमरजेंसी उत्पाद करइया फैक्टरी ल छूट दे जाही। उहचे धार्मिक, सांस्कृतिक अऊ पर्यटन स्थल ल घलो बंद कर दे जाही।