Lockdown : छत्तीसगढ़ के ए जिला म लगाय जाही लॉकडाउन, कलेक्टर ह जारी करिन आदेश, पढो पूरा खबर

जय जोहार…. (Lockdown) छत्तीसगढ़ म कोरोना के बाढ़ते आंकड़ा के बीच अब लॉकडाउन के सिलसिला घलो सुरु हो गे हे। राजनांदगांव, बेमेतरा अऊ मुंगेली के बाद अब दुर्ग म लाकडाउन होवइया हे। कलेक्टर सर्वेश भूरे ह दुर्ग जिला के नगरीय क्षेत्र म 20 ले 30 सितंबर तक लाकडाउन के निर्देश दे हे।

बता दन कि लॉकडाउन (Lockdown) के 72 घंटा पहिले जारी करे गे निर्देश के बाद लोगन मन ल जरूरत के चीज के व्यवस्था करे के आग्रह करे गे हे। नगरीय क्षेत्र म लाकडाउन (Lockdown) के दौरान कुछु अतिआवश्यक चीज ल खोले के अनुमति दे जाही।

बता दन कि दुर्ग जिला ह छत्तीसगढ़ के दूसर सबले प्रभावित जिला हे, जिहां कोरोना के मरीज के संगसंग मौत घलो जादा होय हे। 16 सितंबर तक ए जिला म 7008 कोरोना पाजिटिव मरीज मिले हे। जेमा ले 3973 एक्टिव मामला हे। उहचे ए वायरस ले जिला म 59 लोगन मन के मौत हो गे हे।