Chhattisgarh म अब नई लगही लॉकडाउन, प्रदेश सरकार के बड़का फइसला

जय जोहार…. छत्तीसगढ़ (chhattisgarh) म अब आगू लॉकडाउन नई बढ़ाये जाही। एखर संग बाजार म दुकान ल घलो पूरा समय खोले जाय म विचार चलत हे। ये फइसला ल कलेक्ट्रेट सभाकक्षा के रेडक्रास भवन म होइस उच्च स्तरीय बइठक म ले गे हे।
(chhattisgarh) कृषि मंत्री रविंद्र चौबे ह कहिन कि कोरोना संक्रमण ल रोके ल ले के जनप्रतिनिधि अउ अफसर मन के सुझाव ह आये हे। ओमा विचार विमर्श कर लाकडाउन के विषय म नवा गाइडलाइन तैयार कर जारी कर दे जाही।
मंत्री रविंद्र चौबे ह कहिन कि कोरोना ले बचाव ल ले के राज्य (chhattisgarh) म सरलघा कोरोना मरीज मन के कान्ट्रेक्ट ट्रेसिंग करे जावत हे। अस्पताल म बेड घलो बढ़ाये जावत हे। उहचे कोरोना के रोकथाम म एनजीओ, एनसीसी अउ समाजसेवक मन के सहायता ले जावत हे।