balodabazar जिला म अब नई बाढ़ही लॉकडाउन, काली ले खुलही दुकान, पढ़ो पूरा खबर
जय जोहार…. कोरोना संक्रमण के रोकथाम बर बलौदाबाजार (balodabazar) जिला म जारी लॉकडाउन ल छह तारीख के बाद आगू नई बढ़ाये जाही।
दुकान अउ व्यापारिक प्रतिष्ठान ह कोरोना के रोकथाम के नियम के पालन करत हुये संचालित हो सकही।
दुकान अउ व्यापारिक प्रतिष्ठान ह काली ले बिहिनिया आठ बजे ले शाम पांच बजे तक खुल सकत हे।
(balodabazar ) जिला कलेक्टर सुनील कुमार जैन ह बताइस कि रोजाना बड़का संख्या म कोरोना प्रकरण ह सामने आवत हे। एखर सती ह मन सबो ल पहिले ले अउ जादा सजग अउ सावधान रहे के जरूरत हे।
संक्रमण के रोकथाम म सामुदायिक भागीदारी के अहम भूमिका हे। सबो ल मास्क पहने अउ सोशल डिस्टेंसिंग के नियम के पालन ल करना अनिवार्य हे। कोरोना ले बचाव के ये एक प्रभावी उपाय हे।
(balodabazar) कलेक्टर ह व्यापारी मन ल बिना मास्क पहने सामान ले ल आय ग्राहक मन ल सामग्री नई बेचे के निर्देश दे हे।
