Dantewada District म 10 दिन बर 18 अप्रैल ले लगही लाकडाउन, ए सुविधा ल मिलही छूट, पढ़व
जय जोहार…. (Dantewada District) दंतेवाड़ा जिला म 18 अप्रैल ले 10 दिन बर लाकडाउन लगइया हे। ए निर्णय ल कोरोना संक्रमण के बाढ़ते मामला के चलत कलेक्टर दीपक सोनी ह ले हे। ये लाकडाउन ह 18 अप्रैल ले बिहनिया 6 बजे ले 27 अप्रैल के रात 12 बजे तक लागू रही।
(Dantewada District) लाकडाउन के बेरा म दुग्ध पार्लर, दुग्ध वितरण अउ न्यूज पेपर हाकर के तरफ ले समाचर पत्र के वितरण के बेरा बिहनिया 6 बजे ले 9 बजे तक अउ संझा 5 बजे ले 6.30 बजे तक होही। दुग्ध व्यवसाय या दुग्ध पार्लर नई खोले जाही। केवल दुकान अउ पार्लर के सामने मास्क के उपयोग करत हुये दुग्ध बेचे के अनुमति होही।
पैट शाप अउ एक्वेरियम ल सिरिफ पशुचारा दे बर बिहनिया 6 बजे ले 8 बजे तक अउ संझा 5 बजे ले 6.30 बजे तक शाप खोले के इजाजत होही। (Dantewada District) एलपीजी गैस सिलेंडर के एजेंसी ह सिरिफ टेलीफोनिक या आनलाइन आर्डर लेही अउ ग्राहक मन ल सिलेंडर के घर पहुंच सेवा ल उपलब्ध कराही।
