जय जोहार…. नारायणपुर जिला (Narayanpur District) म 19 अप्रैल ले लाकडाउन लगइया है। ए संबंध म कलेक्टर ह आदेश जारी कर दे हे। ए दौरान जिला के सबो सीमा पूरा सील रही।
जारी आदेश के मुताबिक नारायणपुर जिला (Narayanpur District) के सबो क्षेत्र ल 19 अप्रैल बिहनिया 6 बजे ले 26 अप्रैल के रात 12 बजे तक बर कन्टेनमेंट जोन घोसित करे गे हे। ए दौरान दुग्ध पार्लर, दुग्ध वितरण, ब्रेड विक्रेता अउ न्यूज पेपर हाकर के तरफ ले समाचार पत्र के वितरण के बेरा बिहनिया 6 बजे ले 9 बजे तक अउ संझा 5 बजे ले 7 बजे तक होही। दुग्ध व्यवसाय बर कोनो दुकान अउ पार्लर नई खोले जाही। दुग्ध अउ पार्लर के सामने फिलिकल डिस्टेंसिंग के पालन करत हुये सिरिफ दुग्ध विक्रय के अनुमति होही।
(Narayanpur District) सब्जी, फल के विक्रय अउ क्रय करे बर बेरा बिहनिया 9 बजे ले दोपहर 1 बजे तक के अनुमति होही। पेट शाप अउ एक्वेरियम ल सिरिफ पशु के चारा दे बर बिहनिया 8 बजे तक 10 बजे तक अउ संझा 5 बजे ले 6 बजे तक खोले के अनुमति होही। एलपीजी गैस सिलेंडर एंजेंसी सिरिफ टेलीफोनिक या आनलाइन आर्डर लेही अउ ग्राहक मन ल सिलेंडर के घर पहुंच सेवा उपलब्ध कराही।
