chhattisgarh : लोक कलाकार कल्याण संघ के पदाधिकारी मन सकलाही 13 के, राजधानी के साहू भवन म होही बैठक

जय जोहार… छत्तीसगढ़ (chhattisgarh) के कलाकार मन के संगठन लोक कलाकार कल्याण संघ के पदाधिकारी मन अब रायपुर म सकलाय के तैयारी म हे,
बता दन की संघ के सदस्य मन छत्तीसगढ़ के लोक कलाकार मन ल हर संभव मदद अऊ काम देवाय बर सरकार के सामने बात राखही,

संघ के प्रदेश (chhattisgarh) अध्यक्ष नवल दास मानिकपुरी ह खुद एक कलाकार हे अऊ वो ह एक कलाकार के पीड़ा ल समझ सकथे, नवलदास मानिकपुरी ह किहिस की हम कलाकार मन के बैठक पेंड्रा रोड अऊ राजनांदगांव जिला म हो चुके हे,जिन्हा ढेर सारा कलाकार मन सकलाय रिहिस,

एखर पहिली संघ के सदस्य मन (chhattisgarh) लोक निर्माण मंत्री ताम्रध्वज साहू ले घलो मुलाकात करिन हे जिन्हा नवलदास मानिकपुरी के संग संगठन के अन्य सदस्य मन उपस्थित रिहिन , जेमा अध्यक्ष के संग चंद्रप्रकाश, उषा विश्वकर्मा, सन्नो खान मन घलो रिहिन।