रायपुर। सीएम रमन सिंह ह गुरुवार के प्रदेश के दू जिला ल अनूठा सौगात दीस हे। सीएम ह रायपुर जिला ल 6 करोड़ के लागत ले लक्ष्मन अउ दुर्ग जिला ल कैलास गुफा गार्डन के सौगात दीस। देर शाम सीएम सिंह प्रदेश के पहिली सस्पेंसन बिरज (लक्ष्मन झूला) के लोकारपन को बर महादेव घाट पहुंचिस।ये दौरान उमन ह सबले पहिलि दुर्ग जिला म स्थित कैलास गुफा गारडन के फीता काटके सुभारंभ करिन। फेर लक्ष्मण झूला के लोकारपन करिस। अंत म सीएम सिंह ह खारून नदी के तीर म बने सीवरेज ट्रीटमेंट प्लांट सिलान्यास करिन। ये कारयकरम के साक्छी अब्बड़ संख्या म मवजूद दूनों जिला के जनता बनिस।
सीएम ह सभा ल संबोधित करत हुए कहिन कि खारून नदी रायपुर अउ आस-पास के सहर के जीवनरेखा हे। खारून ल परदूसन ले बचाए बर एसटीपी के भूमिपूजन करना मोर बर गौरव के बात हे। मिसन अमृत म खारून नदी ल क्लीन करे के अभियान चलाए जात हे, जेमा रोज 200 एमएलडी पानी ल साफ करे जाही। परदेस के विकास के गाथा बयान करे के जरूरत नइए, राजधानी अब सिरफ एक सहर नो हय बल्कि एक महानगर के रूप म उभरत हे। आगू कहिन कि जे इलाका म बिरज बने हे वो ह पाटन विधानसभा क्षेत्र हे, लेकिन हम मन ल क्षेत्र ले नइ, विकास ले मतलब हे। पाटन विधायक हर रोज सरकार के खिलाफ बोलथे, लेकिन हम मन ह विकास म कोई भेदभाव नइ करत हन। विकास हमार बर सबले पहिलि हे।
कारयकरम म भाजपा के वरिष्ठ नेता अउ किरीस मंत्री बृजमोहन अग्रवाल ह सभा ल संबोधित करत हुए रायपुर नगर निगम के महापौर उपर जमकर निसाना साधिस। उमन कहिन कि राजधानी म विकास कारय हमार सरकार करथे अउ श्रेय मेयर प्रमोद दुबे ले जाथे।
