डॉ. पुनीत गुप्ता के खेलाफ रायपुर पुलिस के बड़का एक्शन

रायपुर. छत्तीसगढ़ के पूर्व मुख्यमंत्री डॉ. रमन सिंह के दामाद डॉ. पुनीत गुप्ता के खेलाफ रायपुर पुलिस ह शुक्रवार के बड़का एक्शन लिस हे. पुलिस ह डॉ. गुप्ता के खेलाफ लुक आउट सर्कुलर जारी कर दिस हे.

डीकेएस अस्पताल म 50 करोड़ रुपिया ले अधिक के गड़बड़झाला मामला म डॉ. पुनीत गुप्ता के खेलाफ राजधानी रायपुर के गोलबाजार थाना म एफआईआर दर्ज हे. ये मामला म पुलिस ल पुनीत गुप्ता के तलास हे.

रायपुर पुलिस ह डीकेएस अस्पताल म भ्रष्टाचार के मामला म शुक्रवार के टेक्नीशियन ल लेके जांच बर पहुंचे रिहिस हे. ये जांच के बाद पुलिस ह डॉ. पुनीत गुप्ता के खेलाफ लुकआउट नोटिस जारी कर दिस हे. डीकेएस अस्पताल म अधीक्षक रहत हुए डॉ. पुनीत गुप्ता उपर मशीन मन के खरीददारी अउ अन्य कार्यों म अनियमितता अउ भ्रष्टाचार के आरोप लगे हवय. ये मामला म पुलिस जांच करत हवय.