Raipur: विश्व काव्य दिवस के अवसर म गीतकार चम्पेश्वर गोस्वामी ह करिन काव्य पाठ

जय जोहार…. (Raipur) बैंक नगर राजभाषा कार्यांवयन समिति के तत्वावधान म भारतीय स्टेट बैंक के तरफ ले सनिच्चर के विश्व काव्य दिवस के आयोजन करे गिस। ए कार्यक्रम के मुख्य अतिथि नगर राजभाषा कार्यांवयन समिति के अध्यक्ष पॉपी शर्मा रिहिन। अध्यक्षता ल भारतीय स्टेट बैंक के उप महाप्रबंधक परविंदर भारती ह करिन।

(Raipur) ए अवसर म राजभाषा के मुख्य प्रबंधक रजनीश कुमार यादव ह कहिन कि विश्व काव्य दिवस अंतर्राष्ट्रीय, राष्ट्रीय अऊ क्षेत्रीय भाषा के काव्य ह बढ़ावा दे बर मनाये जावत हे। ए दौरान छत्तीसगढ़ी काव्य पाठ बर विशेष अतिथि गीतकार चम्पेश्वर गोस्वामी, हिंदी कवियित्री पूजा अग्रवाल अऊ अंग्रेजी के कविता पाठ बर स्नेह जैन रिहिन।

ए कार्यक्रम म छत्तीसगढ़ी, हिन्दी, अंग्रेजी के आलावा संस्कृत, मराठी अऊ दूसर भारतीय भाषा म काव्य पाठ होइस हे। विशेष अतिथि मन के संगेसंग नगर राजभाषा कार्यांवयन समिति अऊ बैंक के सबो सदस्य मन ह काव्य पाठ करिन। (Raipur) विशालाक्षी सहायक महाप्रबंधक ह संस्कृत भाषा म काव्य पाठ करिन। ए अवसर म आईओबी बैंक के प्रज्ञा तिवारी, भारतीय स्टेट बैंक के मेहुल चौबे, बैंक आफ बड़ौदा के राजकुमार तिवारी, मेजर माधुरी घोड़के ह उपस्थित रिहिन।