जय जोहार…. कोरोना वायरस महामारी सेति 19 मार्च ले भक्त मन बर बन्द मां बम्लेश्वरी मंदिर (maa bamleshwari temple) के कपाट ह काली ले भक्त मन बर खोले जाही। सोमवार ले माता के दरबार म भक्त मन के आवाजाही ह सुरू हो जाही। ए दौरान सरकार के गाइडलाइन के अनुसार भक्त मन ल प्रवेश दे जाही।
आस्था के नगरी डोंगरगढ़ म मां बम्लेश्वरी के दरबार (maa bamleshwari temple) ह हमेशा भक्त मन ले गुलजार होवत रहिस। लेकिन जब ले कोरोना वायरस महामारी ह दुनिया समेत सूबे म दस्तक दे हे, तब ले मां के दरबार ल भक्त मन बर बन्द कर दे गे रहिस। इहां दूर-दूर ले भक्त ह अपन मनोकामना ल पूरा करे बर मत्था टेके ल आवत हे। अब भक्ति के घलो तरीका ह बदल जाही, क्योंकि मां बम्लेश्वरी के दरबार (maa bamleshwari temple) आने-जाने वाला भक्त मन ल सरकारी गाइड लाइन के पालन करे ले परही। तभी भक्त ह मां के दर्शन ल कर पाही। एखर बर मां बम्लेश्वरी मंदिर ट्रस्ट समिति के तरफ ले तैयारी ल सुरू कर दे गे हे।
मंदिर ट्रस्ट के मंत्री नवनीत तिवारी ह बताइस कि मंदिर म प्रवेश के पहले दर्शनार्थी मन ल मंदिर ट्रस्ट के तरफ ले हेल्थ चेकअप करे जाही। हर दर्शनार्थी के नाम अऊ मोबाइल नंबर ल नोट करे जाही।
