धमतरी। कहथे माता-पिता के बाद अगर हमन ल कोनो ले योग्य संस्कार मिलथे, त वो ह गुरू हे। लेकिन जिला के .ये स्कूल म गुरू के एक अलगे महिमा देख बर मिलिस। दरअसल ये स्कूल म पढ़ाय बर एक सिक्छक रोज सराब पीके स्कूल आत हे। पूरा दिन पढ़ाई कराय के बजाय आफिस म आराम से बइठे रहिथे। सिक्छक के अइसे रवैया ले छात्र मन के पढ़ाई नुकसान होवत हेष येखर सेती परिजन मन ह जिला कलेक्टर सीआर प्रसन्ना ले सिकायत करके कार्रवाई के मांग करिस हे।
धमतरी जिला के तांगापानी गांव के प्राथमिक साला म पदस्थ प्रेमचंद सारंग रोजाना सराब के नसा म धुत्त होके स्कूल पहुंचत हे। अउ आफिस म आराम फरमात हे। येखर ले स्कूल के पढाई पूरी तरह ले प्रभावित होवत हे। उहें दूसर सिक्छक मन घलो परेशानी के सामना करे बर पड़थे। येखर ले परेशान हो के ग्रामीन मन ह जिला कलेक्टर तीर सिकायत करिन। अउ सिक्छक ले इहां ले हटाय के मांग करिन हे। मामला के जानकारी होय के जिला प्रसासन ह जांच कर कार्रवाई करे के आदेश देय हे।
