मदनवाड़ा कांड के न्यायिक जांच के घोषणा ले भाजपा म बौखलाहट , भूपेश बघेल 10 साल ले लगातार मदनवाड़ा के जांच के जरूरत म दिस जोर

जय जोहार रायपुर… मदनवाड़ा कांड बर न्यायिक जांच आयोग गठित होए ले भाजपा घबरा गे हे ये बात प्रदेश कांग्रेस के महामंत्री अऊ संचार विभाग के अध्यक्ष शैलेश नितिन त्रिवेदी ह किहिस हे अऊ ओमन बोलिस कि मुख्यमंत्री भूपेश बघेल ह मदनवाड़ा के  घटना के सूचना मिले के तत्काल बाद राजनांदगांव जा के न केवल स्वयं वस्तुस्थिति के  जानकारी लिस बल्कि वो समय ले लगातार मदनवाड़ा मामला के विसंगती ल भूपेश बघेल अऊ कांग्रेस पार्टी उठात रिहिस.

29 जून 2013 को डॉ. चरणदास महंत अऊ रविन्द्र चौबे के बयान म भी मदनवाड़ा के घटना ल ले के सुस्पष्ट आरोप लगाय गये रिहिस , 3 दिसंबर 2014 के माओवादी हमला म 14 जवान के शहादत के बाद भी कांग्रेस ह ये मामला उठाय रिहिस, 18 दिसंबर 2014 के घलो कांग्रेस के बयान म कहे गे रिहिस कि मदनवाड़ा मामला म भाजपा सरकार के रवैया गलत हे, जेला गंभीरता ले नई ले गिस, न्यायिक आयोग द्वारा जाँच कराए के भूपेश बघेल सरकार के फ़ैसला के कांग्रेस स्वागत करे हे.