जय जोहार…. राष्ट्रपिता महात्मा गांधी के 150वीं जयंती वर्ष के समापन अवसर म आज महानदी भवन, मंत्रालय (Raipur) म राष्ट्रपिता महात्मा गांधी के प्रतिमा के अनावरण करे गे हे। सीएम भूपेश बघेल ह वीडियो कांफ्रेंसिंग ले गांधी प्रतिमा के अनावरण करिन।
ए अवसर म महानदी भवन परिसर म संस्कृति मंत्री अमरजीत भगत, प्रशासनिक अधिकारी अऊ नागरिक मन ह महात्मा गांधी प्रतिमा म पुष्पांजलि अर्पित कर ओ मन ल नमन करिन। ए दौरान पद्मश्री ले सम्मानित भजन गायक मदन चौहान ह बापू के प्रिय भजन के प्रस्तुति दिस।
(Raipur) कार्यक्रम म भजन गायक पद्मश्री मदन चौहान ल सम्मानित करे गिस। ए मऊका म योगेंद्र घृतलहरे के तरफ ले गांधी जी के जीवन आदर्श म रचित छत्तीसगढ़ी गीत के संकलन पुस्तिका के विमोचन करे गिस। (Raipur) ए अवसर म संस्कृति मंत्री अमरजीत सिंह भगत ह कहिन कि मंत्रालय परिसर म स्थापित राष्ट्रपिता के प्रतिमा इहां कार्य करत अधिकारी अऊ कर्मचारी मन ल प्रेरणा देवत रही।
No Comment! Be the first one.