गरियाबंद : मक्का के खेती ले खुसहाल हो गे सालिक साम के परिवार

’वन अधिकार पट्टा ले मिले अढ़ई एकड़ भुईयां म 18 क्विंटल ले ज्यादा के उत्पादन

छत्तीसगढ़ सरकार के महत्वकांक्षी योजना मन किसान मन बर कोनों वरदान ले कम नई हे। प्रदेस के छोटे किसान मन घलो एखर लाभ उठाके खेती बाड़ी म अपन आमदनी में बढोत्तरी करत हे। सरकार के पहल अऊ किसान मन के मेहनत ले प्रदेस म नवा-नवा कहानी लिखे जात हे। हमन बात करत हन गरियाबंद विकासखण्ड के वनांचल म बसे जैतपुरी गांव के जिहां के किसान सालिक राम ध्रुव ह कृषि विभाग के परयास ले सासन कोती ले मिले वन पट्टा के जबर उपयोग करत हे। ए भुईयां में सालिक राम हृर मक्का के खेती करिन अऊ आज इही खेती ले ओखर जिनगी खुसहाल होवत हे।