अवैध रेती के भंडारण अउ परिवहन ऊपर बड़े कार्रवाई, 1740 घनमीटर रेती जप्त
- खनिज विभाग के लगातार कार्रवाई ले अवैध खनन अउ परिवहन ऊपर लागत हे लगाम
- प्रशासन के मुस्तैदी ले अवैध काम में जुड़े मनखे मनला मिलत हे कड़ा संदेस
रायपुर,मुख्यमंत्री विष्णु देव साय के कड़े निर्देश के तहत प्रदेश में रेती के अवैध उत्खनन (खमरी), परिवहन अउ भंडारण के खिलाफ खनिज विभाग कोति ले लगातार सख्त कार्रवाई करे जात हे। राज्य सरकार के जीरो टॉलरेंस नीति के तहत विभाग के अमला ह दिन-रात मुस्तैद रहके अवैध काम ऊपर कड़ा लगाम कसत हे। एकर बर रात के गश्त, कड़ा पहरा, अचकचा ले जांच (औचक निरीक्षण) अउ छापा मारे के संग-संग ड्रोन जइसन आधुनिक तकनीक के घलो उपयोग करे जात हे।
खनिज साधन विभाग के सचिव अउ संचालक के निर्देश के मुताबिक केंद्रीय खनिज उड़नदस्ता अउ जिला स्तर के संयुक्त टीम ह जिला के आरंग तहसील के अंतर्गत ग्राम कागदेही में अचकचा ले जांच करिस। जांच के बखत समोदा-कागदेही रस्ता अउ आर्या पेट्रोल पंप के दक्खिन कोति फॉरेस्ट नर्सरी के पास बिना कोनो सरकारी अनुमति के गौण खनिज साधारण रेती के अवैध भंडारण पाय गिस। जांच में छत्तीसगढ़ खनिज (खनन, परिवहन तथा भंडारण) नियम 2009 के उल्लंघन के पुस्टि होय पर खान एवं खनिज (विकास और विनियमन) अधिनियम 1957 के धारा 21 के तहत कार्रवाई करत हुए लगभग 1740 घनमीटर रेती ला जप्त करे गिस।
जप्त करे गिस रेती ला नगर पंचायत समोदा के पार्षद देवेंद्र कुमार साहू के जिम्मा कर दे गिस। उहें कड़ा जांच के बखत ग्राम समोदा के पास अवैध रेती ढोवत (परिवहन करत) दो ठन हाईवा गाड़ी मनला घलो जप्त करके आरंग थाना परिसर में खड़ा करवा दे गिस हे।
