खैरागढ़ संगीत विश्व विद्यालय के नवा कुलपति मोक्षदा ह करिस पदभार ग्रहण

जय जोहार रायपुर… पद्म श्री अऊ लोक गायिका मोक्षदा ( ममता ) चंद्राकर ह आज अपन कुलपति के पदभार ग्रहण करिस , ये मौक़ा म पूर्व कुलपति मांडवी सिंग घलो रिहिस , बता दन कि छत्तीसगढ़ के राज्यपाल के आदेश के बाद ये तय होगे रिहिस कि कुलपति के कुर्सी ममता दीदी ल मिल गे ,

पदभार ग्रहण के बाद नवा कुलपति ममता चंद्राकर ह किहिस कि खैरागढ़ के ख्याति तो पहिली ले देश विदेश म हे , लेकिन इन्हा के कोर्स अऊ विशेषता ल राज्य म बने ढंग ले बगराय जाही,

आज ममता दीदी ह अपन पदभार ग्रहण करिस अऊ एखर बर प्रदेश के जनता अऊ मुख्यमंत्री समेत राज्यपाल अनसुइया उइके ल धन्यवाद दिस , बता दन कि एखर पहिली ममता दीदी ह आकाशवाणी म घलो स्टेशन डायरेक्टर के पद ल संभाल चुके हे.