एक साल म 100 ले पार, मण्डल म्यूजिक ह पोस्टर डिजाइन के संग करत हे गीत के निर्माण

जय जोहार…. छत्तीसगढ़ी सिनेमा म मण्डल म्यूजिक के नाम कोनो परिचय के मोहताज नई हे, ए पान वाला बाबू ले हंस झन पगली तक के सफर म मण्डल म्यूजिक ह सैकड़ो फिलिम के पोस्टर बनाए हे।

बता देन कि एक साल म मण्डल म्यूजिक ह लगभग 120 छत्तीसगढ़ी गीत रिलीज कर चुके हे, जेला बने प्रतिसाद घलो मिले हे। मण्डल म्यूजिक के बेनर म बड़े बड़े गायक गायिका मन अपन आवाज दे हे।

मण्डल म्यूजिक के उत्तम मण्डल अऊ विष्णु मण्डल ह बताइस कि ओमन अपन पूरा जीवन ल कला सृजन म व्यतीत करे हे अऊ हमेशा नवा नवा तरीका ले पोस्टर बनाए के कोशिश करथे। आज मण्डल म्यूजिक म आधुनिक तकनीक के सॉफ्टवेयर अऊ साउंड रिकॉर्डिंग स्टूडियो हे जेखर माध्यम ले उच्च स्तर के पोस्टर अऊ म्यूजिक तैयार होथे।