अब रात नौ बजे तक चलही दुकानदारी, मास्क लगाना अनिवार्य नई त होही 100 रुपया जुर्माना

जय जोहार रायपुर…राज्य मंत्रीमण्डल के बैठक म ये फैसला होइस कि अब शाम सात बजे के बदले रात नौ बजे तक व्यापार खुले रही, एखर साथ राज्य म कोरोना संकट ल देखत हुए यहू निर्णय ले गिस की सब ल अब अनिवार्य रूप से मास्क लगाना हे, जेन ह नई लगाही ओला 100 रुपिया के दंड लगाय जाही।

सब्बो कलेक्टर अऊ पुलिस अधीक्षक मन ल ये आदेश दे गे हे कि जुर्माना के संग लोगन मन ल मास्क पहिने बर जागरूक करे। ये जानकारी बैठक के बाद कृषि मंत्री रविन्द्र चौबे ह दिस।