पीएम आवास योजना म लाखों के हेराफेरी करईया पंचायत सचिव बर्खास्त

बीजापुर। जिले के जंगला थाना इलाका म पीएम आवास योजना म लाखों रूपिया के हेराफेरी करईया पंचायत सचिव ल बर्खास्त कर ओखर खिलाफ एफआईआर दर्ज कराए हे।

पंचायत सचिव कोमल निषाद ऊपर हितग्राही मन ले पीएम आवास के राशि ल हड़पे के आरोप हे। इहां 100 ठन पीएम आवास स्वीकृत होय रिहिस हे, जेमा 70 ठन के निर्माण काम चलत हे। उंहे 30 पीएम आवास म हेराफेरी करे के खुलासा होय हे। हितग्राही मन के शिकायत के बाद जिला पंचायत सीईओ राहुल वेंकट ह जांच करवईस हे, जेमा शिकायत ह सही निकलिस। एखर बाद जिला पंचायत सीईओ ह सचिव कोमल निषाद ल बर्खास्त कर दिस और उंखर खिलाफ एफआईआर घलो दर्ज करवईस हे।