‘मन की बात’ देशवासी मन के उपलब्धी, मानवता के सेवा के कार्य अउ नवाचार के जानकारी के अनूठा संगम : मुख्यमंत्री साय
रायपुर। मुख्यमंत्री विष्णु देव साय ह आज मंत्रालय महानदी भवन म अपन मंत्रिमंडल के सदस्य के संग प्रधानमंत्री नरेंद्र मोदी के रेडियो वार्ता “मन की बात” सुनिस। मुख्यमंत्री साय ह कहिन कि ‘मन की बात’ कार्यक्रम म हर बार कुछ न कुछ नवा सीखे ल मिलथे। ए कार्यक्रम वास्तव म देशवासी मन के उपलब्धी, मानवता के सेवा के कार्य अउ नवाचार के जानकारी के अनूठा संगम हे, जिहां प्रधानमंत्री के ज्ञान, विज्ञान के बात, स्वस्फूर्त रूप ले देशवासी मन के देश बर समर्पित होके करे जात कार्य अउ नवा नवा जानकारी सुनइया म नवा ऊर्जा अउ उत्साह के संचार करत हे।
‘मन की बात’ म प्रधानमंत्री मोदी ह छत्तीसगढ़ के गुरुघासीदास तमोरपिंगला टाइगर रिजर्व के चर्चा करत कहिन कि ए हमर जम्मों झन बर बहुत खुशी के बात हे कि बीते दु महीना म हमर देश म दु नवा टाइगर रिजर्व जुड़े हें। एमा ले एक हे छत्तीसगढ़ म गुरु घासीदास–तमोर पिंगला टाइगर रिजर्व अउ दूसर हे –मध्यप्रदेश म रातापानी टाइगर रिजर्व।
प्रधानमंत्री ह मन की बात म अंतरिक्ष विज्ञान म भारत के उपलब्धी, युवा मन द्वारा शुरू करे गे स्टार्ट अप, महिला सशक्तिकरण के सफल प्रयास के उल्लेख करिन। देश के महान विभूती स्वामी विवेकानंद अउ नेताजी सुभाषचंद बोस ले युवा मन ले प्रेरणा लेके आघु बढ़े के बात कहिन। प्रधानमंत्री ह मन के बात म देशवासी मन ले कहिन कि हमन जम्मों झन अपन अपन काम ले अपन देश ल हर दृष्टि ले सर्वश्रेष्ठ बनाए के प्रयास करत रहिंन।
प्रधानमंत्री ह मन की बात म भारतीय गणतंत्र के 75वीं वर्षगाँठ म संविधान सभा के जम्मों महान विभूती ल नमन करिन। ओमन ह मन के बात म बाबा साहब डॉ भीमराव अंबेडकर के संविधान सभा म परस्पर सहयोग, डॉ० राजेंद्र प्रसाद के मानवीय मूल्य के प्रति देश की प्रतिबद्धता अउ डॉ. श्यामा प्रसाद मुखर्जी के अवसर के समानता म प्रेरणादायक संबोधन के अंश उखर आवाज म सुनवाव।
प्रधानमंत्री श्री नरेंद्र मोदी ह प्रयागराज के महाकुंभ म युवा मन के भागीदारी के सराहना करत कहिन कि जब युवा-पीढ़ी अपन सभ्यता ले गर्व के संग जुड़त हे, त उखर जड़ अउ मजबूत होवत हे जेखर ले उखर स्वर्णिम भविष्य घलो सुनिश्चित होवत हे। ओमन ह कहिन कि महाकुंभ समता अउ समरसता के संगम अउ विविधता म एकता के उत्सव हे।
प्रधानमंत्री ह रामलला के प्राण प्रतिष्ठा पर्व के 11 जनवरी के पहली वर्षगांठ के उल्लेख करत कहिन कि ए दिन लाख राम भक्त ह अयोध्या म रामलला के साक्षात दर्शन करके उखर आशीर्वाद लिस। ओमन ह कहिन कि हमन विकास के रद्दा म चलत अपन विरासत ल घलो सहेजना हो अउ उखर प्रेरणा लेवत आघु बढ़ाना हे।
