हर सोमवार के “मंत्री से मिलिए” कार्यक्रम म उपस्थित होथे वन ,आवास अऊ पर्यावरण मंत्री अकबर

दीपक बावनकर@रायपुर आम जनता अऊ कार्यकर्ता मन के बीच म समन्वय बनाये बर अऊ ऊंखर दिक्कत ल दूर करे बर प्रदेश के मुखिया ह एक नियम बनाए हे कि प्रदेश के मंत्री मन एक एक कर के राजीव भवन म संवाद करही, अभी तक मुखिया के आदेश के पालन अगर कोई मंत्री ह नियमित तौर म करत हे त वो हे राज्य के वन ,आवास अऊ पर्यावरण मंत्री मोहमद अकबर ह

मंत्री जी ह प्रत्येक सोमवार के राजिव भवन आ जाथे अऊ सब्बो ले मिलथे , इंखर आलावा बाकी मंत्री मन ज्यादातर अनुपस्थित रहिथे , बता दन कि जब ले मंत्री मन राजिव भवन म आये ल लागिस तब ले लोगन मन ल अपन समस्या बर भटके ल नइ पड़े , प्रदेश के मुख्यमंत्री के ये इन्तेजाम जनता बर हे लेकिन कुछ मंत्री मन ये व्यवस्था ल अव्यवस्था म बदलत हे काबर कि एक्के मंत्री ह हमेशा राजिव भवन म तो नई बईठ सके .