3 घंटा चले पूछताछ के बाद मंतूराम पवार ह कहिन ए बड़ बात……त दर्ज करवा हूं मामला’

रायपुर ।  अंतागढ़ टेपकांड म मंतूराम पवार ले SIT ह करीबन 3 घंटा पूछताछ करिस हे।  पूछताछ के बाद मंतूराम पवार ह कहिन के , ‘अगर जांच म कुछु साबित नइ होइस त मैं मानहानि के केस कर हूं अउ ST-SC एक्ट के तहत मामला घलो दरज करवा हूं। ‘

मंतूराम पवार ह कहिन के, ‘मवजूदा सरकार बदला के भावना ले कार्रवाई करत हवय, जेला पिछली सरकार के जांच  म भरोसा नइए।  एखर संग ही कोर्ट के फइसला म घलो कांग्रेस सरकार ल भरोसा नइए।’

हाईकोर्ट के रिटायर्ड जस्टिस के निगरानी म हो जांच

पवार ह कहिन के, ‘हाईकोर्ट, सुप्रीम कोर्ट पहिली ले ही पूरा मामला ल साक्ष्य मन के अभाव म खारिज कर चुके हे’ मंतूराम ह पूरा मामला के जांच हाईकोर्ट के रिटायर्ड जस्टिस के निगरानी म कराए जाए की मांग करिन हे।

उमन कहिन के,  ‘मैं ह SIT ले कहे हव के मोर ये संदेश मुख्यमंत्री तक पहुंचा देय जाए के, पूरा मामला के जांच के बाद अगर कुछु साबित नइ होइस त मानहानि अउ एससी-एसटी एक्ट के तहत मामला दरज करवा हूं’. उन्होंने कहा कि, ‘SIT के जांच म बुला के बस्तर के आदिवासी मन ल डराए कोसिस करे जात हे’

मीडिया ले बात करत हुए पवार कहिन के, ‘तीन बार भितरघात के कारन मैं चुनाव हारगे रहेव हव। एखर सेती उपचुनाव म नाम वापसी क फइसला ले हव।’  बता दन के, कथित वायरल ऑडियो म मंतूराम ल पइसा दे के नामांकन वापस ले के जिक्र होय रहिस हे। मंतूराम पवार ह आखिरी बखत म नामांकन वापस ले लिय रहिस हे।

पूर्व सीएम रमन सिंह ले मिलिस मंतूराम

मंतूराम पवार ह पूछताछ ले जाए के पहिली पूर्व मुख्यमंत्री रमन सिंह के मौलश्री विहार स्थित बंगला म जा के उंखर ले करीब एक घंटे तक मुलाकात करिस। बता दन अंतागढ़ टेपकांड म रमन सिंह उपर घलो आरोप लगे हे।

.