Raipur म होही अंतर्राष्ट्रीय महिला दिवस के अवसर म कई ठीन कार्यक्रम, पढ़व

जय जोहार । (Raipur ) अंतर्राष्ट्रीय महिला दिवस के अवसर म महिला अउ बाल विकास विभाग डहार ले राजधानी रायपुर म कई ठीन कार्यक्रम के आयोजन करे जाही। ये आयोजन 27 फरवरी ले सुरू होके 4 मार्च तक होही । शंकर नगर के बीटीआई ग्राउंड म 27 फरवरी ले 4 मार्च तक राज्य स्तरीय महिला मड़ई के आयोजन करे जाही ।

महिला मड़ई बिहनिया 10 बजे ले रात 9 बजे तक आम जनता बर खुलही। मड़ई म राज्य के महिला स्व-सहायता समूह डहार ले तईयार उत्पाद के प्रदर्सनी लगाके बिक्री करे जाही । इंहा महिला मन के ससक्त होत कदम अउ आत्मनिर्भर बनत जिनगी के झलक दिखाई देही।

तेलीबांधा तालाब ले 27 फरवरी के बिहनिया 7 बजे महिला मन के बाइक/स्कूटर रैली निकाले जाही । पंडित दीनदयाल उपाध्याय ऑडिटोरियम म एक मार्च के बिहनिया 9 ले 2 बजे तक महिला सुरक्षा अउ पोसण जागरूकता कार्यसाला के आयोजन करे जाही । एखर संग बीटीआई ग्राउंड म 4 मार्च के बिहनिया 12 बजे ले राज्य स्तरीय महिला सम्मेलन के आयोजन करे जाही ।