शहरी क्षेत्र मन म  नक्सली मन के धमक, दू इनामी नक्सली पकड़ाइस

भरमार बंदूक अउ तीन टिफिन बम घलो बरामद …

धमतरी. सिहावा थाना क्षेत्र के खल्लारी जंगल म सर्चिंग के दउरान जवान मन ल एक बड़े सफलता हाथ लगिस हे. धमतरी, गरियाबंद, कांकेर अउ कोंडागांव जिला म कई बड़का वारदात मन ल अंजाम देवइया दू नक्सली मन ल सोमवार के पुलिस ने जंगल ले धर दबोचिस.

सोमवार के बिहनिया जब सर्चिंग म निकले जवान मन ले नक्सली मूवमेंट के भनक लगिस, त उमन मऊका के फायदा उठात हुए दू नक्सली मन ले गेरफ्तार कर लिस. दूनों नक्सली मन के तीर ले भरमार बंदूक समेत पुलिस कई नक्सली सामग्री बरामद करिन हे. गिरफ्तार नक्सली मन ले एक सीता नदी एरिया कमेटी के कमांडर हे. जेखर नाम अजीत मोड़ियम हे. जे काफी बेरा ले ये क्षेत्र म नक्सली गतिविधि मन म सक्रिय रहिस हे. जे मा शासन ले पांच लाख के ईनाम घोषित करे रहिस हे. दूसर नक्सली के नाम रामसु कुंजाम हे. रामसु उपर सरकार ह एक लाख रुपिया के ईनाम घोषित करे रिहस हे. एखर संग पुलिस मउका ले तीन टिफिन बम घलो बरामद होइस हे.