30 जनवरी के मनाए जाहि शहीद दिवस, राज्य सरकार ह जारी करिन परिपत्र
रायपुर : भारत के स्वतंत्रता संग्राम म अपन प्राण के आहुति देवइया शहीद मन के स्मृति म 30 जनवरी 2025 ल सुबह 11 बजे दु मिनट के मौन आयोजन करे जाहि। ए संबंध म मंत्रालय नवा रायपुर के सामान्य प्रशासन विभाग (जीएडी) ह समस्त विभागाध्यक्ष, समस्त संभागायुक्त, जम्मों कलेक्टर मन के, जम्मों जिला पंचायत के सीईओ सहित अन्य अधिकारी मन ल सफल आयोजन बर एक परिपत्र जारी करे गे हे।
परिपत्र म कहे गे हे कि 30 जनवरी 2025 के सुबह 11 बजे दु मिनट के मौन आयोजन करे जाना हे अउ अन्य बुता अउ गतिविधी ल रोक देना चाहि। जिहां कहुं संभव हो, दु मिनट के मौन के अवधि शुरू होए अउ समाप्त होए के सूचना सायरन बजाके या आर्मी गन ले दे जाना चाहि।
ए आयोजन के संबंध म शैक्षणिक संस्था अउ सार्वजनिक क्षेत्र के उपक्रम ल जिला प्रशासन ह समुचित अनुदेश जारी करे जाए। ए दिन के महत्व ल प्रसारित करे बर भारत के स्वतंत्रता म स्वतंत्रता संग्राम सेनानी मन के भूमिका अउ राष्ट्रीय एकता ले संबंधित विषय म हाइब्रिड या आनलाइन मोड म भाषण अउ वार्ता आयोजित करे जाए।
