Marwahi by-election: जोगी कांग्रेस ह दिस भाजपा ल समर्थन, अमित जोगी ह करिन ये अपील

जय जोहार…. मरवाही विधानसभा उपचुनाव (Marwahi by-election) म जोगी कांग्रेस ह अपन समर्थन भाजपा ल दे दे हे। जनता कांग्रेस छत्तीसगढ़ (जे) के अध्यक्ष अमित जोगी ह बयान जारी कर कहिन कि पार्टी के वरिष्ठ नेता मन ह भाजपा प्रत्याशी डॉ. गंभीर सिंह ल जीताय के निर्णय ले हे। मे हा पार्टी नेता मन के निर्णय ले सहमत हों।

जेसीसीजे अध्यक्ष जोगी ह कहिन कि (Marwahi by-election) शुक्रवार देर रात मोला मोर विधायक दल के नेता धरमजीत सिंह अऊ विधायक दल के सचिव राजेंद्र राय ह जानकारी दे हे कि वो हा भाजपा के प्रत्याशी गंभीर सिंह के समर्थन करे के निर्णय ले ले हे।

प्रमोद शर्मा अऊ जादातर पार्टी के कार्यकर्ता मन घलो ए बात म अपन सहमति घलो दे चुके हे। (Marwahi by-election) मोर भाजपा के नेता मन ले आज तक ए संबंध म सीधा संवाद नई होय हे, लेकिन मे हा अपन पार्टी के नेता मन के ए राय ले पूरा सहमत हों।