जय जोहार…. (Congress) राज्यसभा सांसद फूलोदेवी नेताम ह कहिन कि सत्य के हमेशा जीत होवत हे। स्पष्ट हो गे हे कि 15 साल तक रमन सिंह के भाजपा सरकार म आदिवासी के हक ल मारने वाला ल संरक्षण दे गे रिहिन।
छानबीन समिति के जांच के आधार म जनता कांग्रेस अध्यक्ष अमित जोगी अऊ ऋचा जोगी के जाति प्रमाण पत्र निरस्त करिस अऊ चुनाव आयोग ने नामांकन पत्र रद्द करिस। राज्यसभा सांसद अऊ महिला कांग्रेस (Congress) प्रदेश अध्यक्ष छानबीन समिति के फइसला के स्वागत करत हुये कहिन कि छत्तीसगढ़ के आदिवासी वर्ग ल न्याय मिले हे। मरवाही के जनता ल न्याय मिले हे। मरवाही ह ए वर्ग बर आरक्षित रिहिन, लेकिन ओ वर्ग के अधिकार के 15 साल तक हनन करे गिस।
(Congress) फर्जी दस्तावेज के आधार म मरवाही के जनता अऊ अधिकार ल धोखा म रखिस। 15 साल ले रमन सिंह के भाजपा सरकार के जेन षडयंत्र रिहिन, जेन आदिवासी वर्ग के अधिकार के हनन करे के हे, ओखर आज फर्दाफाश होय हे। 15 साल तक मरवाही ह नकली आदिवासी के चंगुल म फंसे रिहिन। आज मरवाही ल मुक्ति मिले हे।
