Raipur: माध्यमिक शिक्षा मंडल अऊ ओपन स्कूल ह तीन दिन बर हो गे बन्द, पढो पूरा खबर

जय जोहार…. रायपुर (Raipur) म कोरोना संक्रमित मन के संख्या ह सरलघा बाढ़त जावत हे। एखर सती कई दफ्तर ल बन्द करे के नौबत आ गे हे। राजधानी म मंत्रालय अऊ इंद्रावती भवन के बाद अप माध्यमिक शिक्षा मंडल अऊ ओपन स्कूल ल घलो बन्द करे गे आदेश दे गे हे।

(Raipur) माध्यमिक शिक्षा मंडल के सचिव वीके गोयल ह कोरोना पाजिटिव पाय गे हे। जेखर बाद ओ हा होम आइसोलेशन म चले गे हे। गोयल ह माध्यमिक शिक्षा मंडल के संगेसंग ओपन स्कूल के घलो सचिव हे। लिहाजा माशिम अऊ ओपन स्कूल दुनो ल तीन दिन बर बन्द करे के आदेश दे गे हे। 11 सितंबर ले 13 सितंबर तक ये कार्यालय ह बंद रहिहय।

बता दन कि रायपुर (Raipur) के पेंशनबाड़ा के शिक्षा परिसर म गुरुवार के माशिम सचिव वीके गोयल के आलावा संभागीय शिक्षा कार्यालय के संयुक्त संचालक एसके भारद्वाज ह कोरोना संक्रमित मिले हे। माध्यमिक शिक्षा मंडल अऊ संभागीय कार्यालय ल तीन दिन बर सील कर दे गे हे।